Ludovico Einaudi konposatzaileak apirilean Bartzelonan eskainitako arrakastaren ondoren, datorren irailean zenbait kontzertu izango ditu espainiar estatuan. 

Geldialdi horietako bat izango da Madrilgo Teatro Real antzokia, eta lehen bi datetarako sarrerak agortu ondoren (irailak 28 eta 29), Einaudik hirugarren eta azken kontzertua iragarri du. Irailaren 30eko hirugarren hitzordurako sarrerak salgai daude. 

Madrilez gain, konposatzaile italiarra Merida (Stone & Music) eta Sevillatik (Icónica Fest) pasatuko da irailaren 24 eta 25ean, hurrenez hurren. Meridako sarrerak agortuta daude, baina oraindik geratzen dira sarrerak Sevillako Plaza Espainian eskainiko duen kontzerturako.

‘UNDERWATER’ DISKOARI BURUZ 

`Underwater´ izeneko album berria, Decca Records-en eskutik argitaratua, konfinamendu garaian sortu zen; izan ere, denbora hori aprobetxatu zuen bere pianoarekin konposatzeko. Bere diskoaren 12 konposaketak bere soinua nabarmentzen dute. Album-ean bere pianoa eta bera protagonistak izan arren, biran hiru musikarekin joko du: Federico Mecozzi (biolina), Redi Hasa (violoncello) eta Francesco Arcuri (elektronika eta perkusioa).